Ég er flutt...

Eftir margra ára veru á blogger, þá er ég farin í lið með WordPress á háskólablogginu.

Hér má finna nýja bloggið

Vöknuð first thing!

Ég ætlaði víst að taka mig á og vakna fyrr, ég var nú ekki alveg með það planað að vakna kl.4!!!

Horfði á Grey´s anatomy, missti mig í byrjun þáttarins og varð svo kát aftur. Ætlaði svo að gefa Birnunni minni afmælisknús en þá var þreytan orðin algjör að ég staulaðist inn í rúm eftir Grey´s.

Ég er haldin þeim kvilla að fari ég of seint að sofa, þá er ég vænleg til þess að sofa fram eftir öllu, fari ég aftur á móti of snemma að sofa,þá sef ég laust og vakna í sífellu þar til ég glaðvakna og þá yfirleitt um miðja nótt. Nú er ég vöknuð!

Ég staulaðist á fætur og merkilega nokk voru manneskjur á msn á fótum á jafn fáránlegum tíma og ég. Síðan ræsti ég hundana og fór út í göngutúr í slabbinu og snjónum. Blakkur var morgunfúll og virtist hugsa allan tímann um að komast heim í þurrt bælið, Milla aftur á móti naut morgungöngunnar í botn og fékk að rasa út í portinu og hlaupa sig vitlausa og bora sig í snjóinn.

Eins léleg og ég er að koma mér snemma á lappir, þá finnst mér alveg hreint æðislegt að vakna svona snemma, hella upp á kaffi og hlusta á morguninn áður en allt yfirfyllist af bílaumferð og fólki. Fá að vera svolítið Palli einn í heiminum í miðborginni.

Nú sit ég við angan af nýju kaffi og með nýtt bakkelsi og lífið er nú baaar ljúft.

Oh já

Helgin er víst búin með öllu sínu. Óhætt að segja að ég hafi nýtt helgina vel vinalega og illa námslega hehe.
Það var Birnan mín og hvítvín,himneskur matur, Bailey´s og bjór. Endaði reyndar með að ég var orðin dálítið kæruleysislega drukkin, skildi voffa eftir í pössun hjá Miss B og endaði í Þorlákshöfn hehe.

Vaknaði þetta líka ofurhress og lék mér með þyrlu, svona fjarstýrða, svei mér þá ef ég er ekki til í að komast í svona alvöru, ég var farin að sleppa því að brotlenda henni undir lokin og leyfði henni að lifa.

Laugardagur í þynnku var farið í göngu um Rauðavatn með voffalinga og út að borða á energiu og svei mér þá, þrusugóð salöt þar í boði. Þar var líka málverk sem ég átti erfitt með að taka augun af...oohh hvað mig langaði í og þörfin fyrir að taka upp málaralistina aftur óx. Um kvöldið var haldið í nágrenni Rauðavatns, Norðlingaholtið og spilað Partý og Co. og Buzz fram undir morgun. Ég þarf að æfa mig í Buzz!!!

Í gær fór ég svo, eftir örlitla lærdómstörn út að borða á Steak´n Play. Fyrst komum við inn í kráarstemmningu, fótlbolti á skjánum og karlar að sötra öl. Okkur var bent inn fyrir og þar blasti við heljarinnar sjón. Við nokkur borð var risaflatskjár og hægt að leika í playstation við matarborðið...hallelújah!

Svo var bara og pool-borð. Það var snæddur forréttur og leikið Kung Fu Panda og eftir matinn var farið í Gran Turismo..shiiiiit langar í PS3. Hahaha...alveg að gera sig fyrir barnið í mér!

Í dag var soooooofið og svo unnið, þetta soferí er ekki að gera sig lengur og ég ætla að sparka í rassgatið mitt. Það er alveg að gera sig, sitjandi hér klukkan að verða tvö að nóttu og blogga. Jájá, svo er ég með yfirlýsingar við sjálfa mig að vakna eldsnemma og ráðast í að afrita viðtalið. Góð byrjun Elín!

Sjibbíííí

Vá, hvað heimska manna kemur mér enn skemmtilega á óvart og ég get þakkað fyrir það,því ég uppsker gott hláturskast fyrir vikið og jú hláturinn lengir lífið :)

Í dag er síðasti dagur tarnarinnar minnar sem lætur sjá sig þriðja hverju viku, þar sem ég er á fullu í viku og kem engu í verk,en í verðlaun uppsker ég vikufrí frá vinnu og þarf að nýta þá viku vel til að koma öllu í verk. Eftir þessu tarnaviku bíður mín heilmikið og ég get ekki kvartað yfir því að mér leiðist.

Jibbí ka jeí!!!

Jæja!

Ég er búin að yfirgefa strætólífið,það var ágætt,að yfirgefa það þeas ekki lifa því. Þurfti að fresta ýmsu og breyta,skrópa og seinka til þess að ferðast með þessari almannasamgöngu. Ég borga frekar fyrir lúxusinn,þennan lúxus sem brumminn minn,allir gírar eru þó farnir að virka á honum og ég leiðar minnar.

Ég er ekki að nenna að skoða fréttirnar þessa dagana,þarf þess svo sem ekkert þar sem ég fæ allar fréttir úr öllum hornum sem ég kem í. Alveg búin að fá nóg af öllu krepputalinu,allt snýst um banka og aftur banka, ég bíð bara eftir að ég fái bréf frá Glitni þar sem þeir biðja mig um lán.

Aaaaallavega, ætlaði einmitt ekki að tala um þetta.

Ég er búin að eyða nóttinni í að pikka inn eitt stykki viðtal, það varð að 26 bls. og ég á tvö viðtöl eftir. Plús öll hin verkefnin, ég hreinlega hef ekki tíma til þess að mæta í skólann næstu daga, er of upptekin heima að læra.

Er líka búin að fá lokaritgerðina og leiðbeinandann minn samþykktan og þarf að demba mér í að verða mér úti um öll rannsóknarleyfi og fara svo að garma í lokaverkefninu mínu ásamt öllu hinu.

En talandi um það að ég ætlaði að forðast fréttir, ég þurfti að hringja í lækninn og lendi á bið og hvað haldiði,í stað tónlistarinnar þá fékk ég að hlusta á fréttatímann takk, til tals komu Dabbi kóngur,Bretarnir og bankarnir, eeeiinmitt það sem ég nenni ekki að hlusta á þessa dagana.

En ég er svefnvana, úrill og með koffínsjokk, ætla að fá mér meira koffín og hleypa voffum út í rokið og síðan er það skólinn, heim að læra, í kaffi til Birnunnar, í vinnuna og svo...já örugglega drepast.

Strætólíf

Ég er komin í almannasamgöngurnar þar sem 4 gírar á bílnum mínum ákváðu að hætta að virka. Mér er, þrátt fyrir umhverfisvæn áhrif almannasamgangna meinilla við strætó. Ég verð bílveik af þessu hoppi,stoppi og skoppi, ég verð óþolinmóð af því að komast ekki beina leið heldur þurfa að taka alls kyns krókaleiðir og eyða endalausum tíma í að stoppa og bíða.

Það eina sem mér er ekki illa við er tækifærið til þess að skoða mannlífið. Oftar en ekki eru frekar skondnar týpur sem ferðast með strætó. Í morgun var vagninn fullur af fjallgöngutúristum, þessum túristum sem klæða sig jafn vel hvort sem þau eru að fara að labba Laugaveginn í Reykjavík eða Laugaveginn milli Landmannalauga og Þórsmerkur.

Athygli mína vöktu 3 túristar sem voru svona semi-vel klædd, litu ekki út fyrir að ætla að ganga Fimmvörðuhálsinn eins og rest af túristum. Einn þeirra var greinilega orðinn mjög hrifinn af eyjunni okkar. Hann sat í 66°flíspeysu og var að borða KEA jarðar-og bláberjaskyr. Vinir hans smelltu af honum myndir við þessa iðju hans og þetta þótti allt hið fyndnasta. Kannski var þetta fastakúnni hingað til lands, kannski var þetta einhver sem hafði búið hérna um einhvern tíma og hafði fengið landa sína í heimsókn, engu að síður var þetta skondin sjón og ég átti erfitt með að tapa mér ekki í að horfa á hann og hina túristana. Ég er haldin þeim ósið að ég stari heldur mikið á fólk sem vekur eftirtekt mína, skoða það frá toppi til táar og kryf það í huganum, gleymi mér við þá iðju þar til ég skil ekkert í því af hverju manneskjan er farin að iða svona mikið. Ég myndi líka iða svona mikið ef einhver bláókunnug manneskja væri búin að stara á mig í lengri tíma.

Urrattann

Síðustu daga hef ég haft blendnar tilfinningar í garð manns sem særði eina mér afar kær djúpu sári. Í dag urðu þær ekki blendnar lengur, heldur varð ég hreinlega bara reið, öskrandi reið. Ég væri til í að mæta honum og lesa yfir hausamótunum á honum, löðrunga hann líka ærlega.

Þegar einhver særir mína,þá verð ég eins og mannýgt naut og verði viðkomandi á vegi mínum er honum hollast að forða sér.

Mér er fyrirmunað að skilja hvernig fólk getur vanvirt fólk sem á að vera þeim kært, mér er fyrirmunað að skilja hvernig fólk getur haldið framhjá maka sínum og logið,svikið og prett í lengri tíma. Mér finnst tryggð sjálfsagður hlutur,tryggð er hluti af virðingunni sem þú berð gagnvart manneskjunni sem hefur hleypt þér inn í líf sitt. Hef aftur á móti komist að því að það finnst ekki öllum sjálfsagt og farin að halda að það sé undantekning frekar en hitt.

Úff hvað það sýður á mér....

Haust

Það er búið að vera rigning og rok í marga daga. É er varla búin að vera úti af ráði, hundarnir eru ekkert of hrifnir heldur þegar rignir og blæs sem mest, ekki einu sinni Milla sem kippir sig upp við fæst.

Ég er enn á leið að fara að fylla körfu af kertum til þess að hafa nóg af kertum til að brenna og ylja mig við í þessum veðurandskota.

Þetta veður er búið að setja mig í lægð og ég hef fáu nennt, þarf víst að venja mig við að haustið er komið og veturinn við það að banka upp á.

Með mínu hæfilega kæruleysi, litríka kaósi og takmörkuðu skipulagshæfni ætti allt að vera hægt sem ég ætla að takast á við í vetur.

Það er bara einn vandi...hvar á ég að byrja???

Dæmisaga

Hallgerður segir Sigfríði frá svolitlu sem Arnþrúður sagði Hallgerði frá í trúnaði. Sigfríður segir Ragnheiði frá því sem Hallgerður sagði henni í trúnaði. Ragnheiður segir við Hallgerði að ekki hefði verið rétt af henni að rjúfa trúnaðinn við Arnþrúði og segja Sigfríði frá þessu. Hallgerður reiðist Sigfríði og Ragnheiði.

Er einhver sekari en annar og hver rýfur trúnaðinn í raun?

Eins og veðrið er og hefur verið, þá er þörfin til þess að vera heima undir gott teppi orðin sterk.

Ég ætla í vikunni að eiga leið í IKEA og versla mér tonn af kertum og hlýtt,gott teppi. Svo er spurning,ef veðrið verður svona um helgina líka að fá sér gott Irish Coffee undir teppi við kertaljós og finna góða vælólínumynd að horfa á.

Ég dýrka dekur,að dekra við aðra,að dekra við sjálfa mig,að láta dekra við mig...algjör dekurrófa.